Azərbaycan Dillər Universitetinin Erasmus+ mübadilə proqramı vasitəçiliyi ilə gəlmiş Ruan-Normandiya Universitetinin ilk fransız tələbəsi Maksim Şen ilə görüş.

Fransa səfirliyinin mədəni əməkdaşlıq üzrə müşaviri və Fransız İnstitutunun direktoru Jerom Kel və universitet əməkdaşlığı üzrə məsul şəxs Oqusten Üo de Sen-Alben fevralın 23-də Bakıda Azərbaycan Dillər Universitetində bir semestr üçün Erasmus+ beynəlxalq mobillik proqramı çərçivəsində gəlmiş Ruan-Normandiya Universitetinin fransız tələbəsi Maksim Şen ilə görüşüb (yanvar-iyun 2022).

O, iki müəssisə arasında bu müqavilə çərçivəsində mübadilə semestrinə gələn ilk fransız tələbədir. Dillər Universitetində o, tarix və siyasi elmlər üzrə bakalavr dərəcəsi üzrə təhsilini tamamlamaq üçün dilçilik və Böyük Britaniya tarixi sahəsində ingilis dilində tədris olunan ixtisasda təhsil alır. O, iyun ayına kimi Bakıda qalacaq.