1-ci Bakı Beynəlxalq Piano Festivalının açılış konserti: Remi Geniet və Bethovenin İmperator Konsertosu. Azərbaycan Dövlət Filarmoniyası, 20 May.

Fransanın Azərbaycandakı Səfirliyi və Azərbaycan Fransız İnstitutu  Bakı Beynəlxalq Piano Festivalının açılış konsertinə sponsorluq edib. Konsertdə Bethovenin məşhur “İmperator” adlı 5 №-li konsertosu Yalçın ADIGƏZƏLOV-un rəhbərliyi ilə Azərbaycan Simfonik Orkestrinin müşayiəti ilə çıxış edən gənc fransız pianoçusu Remi Geniet tərəfindən ifa edilib.

Remi Geniet 20 yaşında 2013-cü ildə Kraliça Elizabetin Beynəlxalq Piano Müsabiqəsində ikinci mükafata layiq görülmüş və Bonn Beynəlxalq Bethoven Müsabiqəsinin ən gənc qalibi olan gənc istedadlı pianoçudur. O vaxtdan bəri o, Nyu Yorkdakı Karnegi Holl, Parisdəki Luvr Auditoriyası, Berlindəki Konzerthaus və s. kimi nüfuzlu məkanlarda çıxış etmişdir. O, həmçinin Asiya, Yaponiya, Çin və Honq Konqda çıxış edib.

Filarmoniyada keçirilən konsertin açılışında Fransa Səfiri Zakari Qross festivalın direktoru, tanınmış azərbaycanlı pianoçu Şahin Növrəsliyə ehtiramlarını bildirdi. Fransa səfirliyinin əməkdaşlıq və mədəniyyət üzrə müşaviri Jerom Kelle mayın 19-da festivalın direktoru və tərəfdaş səfirliklərin, xüsusən də Polşa və Çexiyanın nümayəndələri ilə baş tutan açılış mətbuat konfransında iştirak edib.