Accueil > Yeniliklər

ENA-dan (Milli İdarəetmə Məktəbi) qısamüddətli təlim təklifi: QHT-lər üçün müraciət çağırışı.

02 mart 2021 Offres

Görülmüş 86 fois

2021-ci ildə Paris Ali İdarəçilik Məktəbi (ENA) bir sıra təlimlər təşkil edir. Fransa Səfirliyi, öz sahəsində inkişaf etmək istəyən qeyri-hökumət təşkilatlarının nümayəndələrinə yönələn bəzi təqaüdlər irəli sürür.

Onlayn seminar şəklində aparılan təcrübələr aşağıdakı mövzulara aiddir :

Tarix	Təlim	Dil	Format
17-21 may	İnsan resurslarının idarə edilməsi və ictimai xidmətdə idarəetmə	fransız	Onlayn
18-21 may	Ətraf mühitin qorunması: Avropa Birliyinin tənzimləyici yanaşması	fransız	Onlayn
21-25 iyun	Avropa Birliyi daxilində və Avropa Birliyi ilə danışıqlar	ingilis	Onlayn
5-9 iyul	Dövlət büdcəsinin hazırlanması və icrası	fransız	Onlayn
5-9 iyul	Dövlət idarəetməsi islahatları	ingilis	Onlayn
6-10 sentyabr	Parlament işinin təşkili : Parlamentin nəzarət funksiyası	fransız	Onlayn

Namizədlərin dosyaları təlimin başlanma tarixindən ən azı ay yarım əvvəl ENA-ya göndərilməlidir. Namizədlər seçim müsahibəsi üçün Səfirliyə dəvət olunacaqlar. Daha sonra sənədlər nəzərdən keçirilmək üçün ENA-ya göndəriləcək..

Namizədlərin yaşı 45-dən yuxarı olmamalıdır, ən azı üç il iş təcrübələri və ən azı dörd illik ali təhsilləri olmalı və onlar mütləq, seçilmiş təlimə uyğun olaraq fransız və ya ingilis dilində danışmalı və başa düşməlidirlər.

Müraciət edənlərin sənədləri ən geci 1 aprel 2021-ci il tarixinə qədər Fransa səfirliyinin Mədəniyyət və Əməkdaşlıq Müşaviri cənab Jerom KEL adına göndərilməli (Bakı şəhəri, Rəsul Rza küçəsi, 9) və aşağıdakı kimi tərtib edilməlidir:

- CV (fransız və ya ingilis dilində);
- Namizədin seçdiyi təlimi təqdim edən motivasiya məktubu (fransız və ya ingilis dilində);
- İş haqqında arayış;
- Ən az B2 və ya B1 səviyyəsində fransız dili (DELF və ya TCF)və ya B2 səviyyəsində ingilis dili (TOEFL, IELTS) sertifikatı.