Fransada təhsil almaq üçün təqaüd imkanlarının Campus-France tərəfindən veb-seminarı vasitəsilə UFAZ tələbələrinə təqdimatı (21/12/2020)

Fransa Səfirliyinin universitet və elmi işlər üzrə attaşesi və Campus France Azərbaycan-ın məsul nümayəndəsi Xanım Klemans Felipo, əsasən UFAZ-dan olan otuza qədər tələbə üçün Fransada ali təhsili davam etdirmək üçün beynəlxalq tələbələrə ünvanlanmış təqaüd imkanları təqdim etmək məqsədilə veb seminar təşkil edib.

Təqdimat mövcud fərqli təqaüd proqramları (Eiffel, IDEX, BGF, Erasmus Mundus və s.), ixtisas kataloqları, universitet seçimi meyarları, Fransada həyat və s. kimi çoxsaylı mövzuları əhatə edib.​

Suallar DELF, TCF kimi beynəlxalq FLE (Fransız dili xarici dil) sertifikatlarını, eyni zamanda Fransada yaşayış şərtlərini, viza müraciətlərini və s. kimi mövzuları əhatə edib.​

Fransa hər il Fransada aldığı təhsil və diplomlar sayəsində Azərbaycana qayıtdıqdan sonra çoxsaylı peşə imkanları əldə edən yüzlərlə azərbaycanlı tələbəni qəbul edir.